Регистрация

Молитвы пред иконою Пресвятой Богородицы «Живоносный источник»

Автор: Плаксин Олег
Опубликовано: 2-03-2016, 11:26, посмотрело: 961
Божия Матерь

Молитвы пред иконою Пресвятой Богородицы «Живоносный источник»

I

О, Пресвятая Дево, Всемилостивая Госпоже Владычице Богородице, Живоносный Источник Твой, целебные дары на здравие душ и телес наших и на спасение миру точащи, подала еси нам, темже благодарни суще усердно молим Тя, Царице Пресвятая, моли Сына Твоего и Бога нашего дати нам оставление прегрешений и всякой душе скорбящей и озлобленней милость и утешение, и от бед, скорбей и болезней освобождение.

Подаждь, Госпоже, храму сему и сим людем покровение (и святей обители сей соблюдение), граду сохранение, стране нашей от напастей избавление и ограждение, да мирное зде поживем житие, и в будущем веце сподобимся видети Тебе Заступницу нашу, во славе Царства Сына Твоего и Бога нашего.

Ему же слава и держава со Отцем и Пресвятым Духом во веки веков. Аминь.

II

О Пресвятая Госпоже Владычице Богородице! Вышили ecu всех Ангел и Архангел, и всея твари честнейши; помощнице ecu обидимых, ненадеющихся надеяние, убогих заступнице, печальных утешение, алчущих коржительница, нагих одеяние, больных исцеление, грешных спасение, христиан всех положение и заступление. О Всемилостивая Госпоже, Дево Богородице Владычице! Милостию Твоею спаси и помилуй православный народ наш, святейший правительствующий синод, и преосвященный митрополиты, архиепископы и епископы, и весь священнический и иноческий чин, и благоверных правительствующий синклит, и военачальники, градоначальники и христолюбивое воинстве, и доброхоты, и вся православныя Христианы ризою Твоею честною защити; и умоли. Госпоже, из Тебе без семене воплотившагося Христа Бога нашего, да препояшет нас силою Своею свыше на невидимый и видимыя враги наша. О Всемилостивая Госпоже Владычице Богородице! Воздвигни нас из глубины греховный и избави нас от глада, губительства, от труса и потопа, от огня и меча, от нахождения иноплеменных и междоусобныя брани и от напрасныя смерти, и от нападения вражия и от тлетворных ветр, и от смертоносный язвы, и от всякаго зла. Подаждь, Госпоже, мир и здравие рабом Твоим, всем православным Христианом, и просвети им ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословена и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

III

Царице моя преблагая, надеждо моя Богородице, прибежище сирых и странных Предстательнице, скорбящих радосте, обидимых Покровительнице! Зриши мою беду, зриши мою скорбь: помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.




Имя:*
E-Mail:


Основан в 2008 году