Регистрация

Молитва Пресвятой Богородице перед Ее иконой «Боголюбская»

Автор: Плаксин Олег
Опубликовано: 28-02-2017, 14:52, посмотрело: 29
Божия Матерь

Молитва Пресвятой Богородице перед Ее иконой «Боголюбская»

О Пречистая Госпоже Богородице, Мати боголюбивая, надежде нашего спасения! Воззри милостивно на предстоящий с верою и любовию и поклоняющия пречистому образу Твоему: приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас!

О предивная Владычице! Покажи на нас чудныя милости Твоя. Молим Тя умиленно, избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры; сохрани от молниеноснаго грома, от запаления огненнаго, от глада, труса, потопа и смертоносныя язвы; подай нам Свою милостивую помощь на пути в море и на суше, да не погибнем люте. О всемилостивая, боголюбивая Мати, с твердым упованием воссылаем к Тебе нашу смиренную молитву! Не отрини наших слез и воздыханий, не забуди нас во вся дни живота нашего, но всегда пребывай с нами, и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем преблагословеное и всепетое имя Твое. Аминь.




Имя:*
E-Mail:


Основан в 2008 году