Регистрация

Молитвы Пресвятой Богородице перед Ее иконой «Неопалимая Купина»

Автор: Плаксин Олег
Опубликовано: 28-02-2017, 15:06, посмотрело: 30
Божия Матерь

Молитвы Пресвятой Богородице перед Ее иконой «Неопалимая Купина»

I

О, Пресвятая и Преблагословенная Мати Сладчайшаго Господа нашего Иисуса Христа!

Припадаем и покланяемся Тебе пред святою и пречестною иконою Твоею, еюже дивная и преславная чудеса содеваеши, от огненнаго запаления и молниеноснаго грома жилища наша спасавши, недужныя исцеляеши и всяко благое прошение наше во благо исполнявши.

Смиренно молим Тя, всесильная рода нашего Заступнице, сподоби ны, немощныя и грешныя, Твоего Матерняго участия а благопопечения. Спаси и сохрани, Владычице, под кровом милости Твоея Церковь Святую, обитель сию, всю страну нашу православную и вся ны припадающий к Тебе с верою и любовию и умиленно просящая со слезами Твоего заступления. Ей, Госпоже Всемилостивая, умилосердися на нас, обуреваемых грехами многими и не имущих дерзновения ко Христу Господу просити Его о помиловании и прощении; но Тебе предлагаем к Нему на умоление, Матерь Его по плоти, Ты же, Всеблагая, простри к Нему Богоприимнеи руце Твои, и предстательствуй за нас пред благостию Его, просящи нам прощения прегрешений наших, благочестнаго мирнаго жития, благая христианская кончины и добраго ответа на страшнем суде Его. В час же грознаго посещения Божия, егда огнем возгорятся домы наша, или молниеносным громом устрашаема будем, яви нам малоставное Твое заступлениение и державное вспоможение; да спасаема всесильными Твоими ко Господу молитвами, временнаго наказания Божия зде избегнем и вечное блаженство райское тамо унаследуем, и со всеми святыми воспоем Пречестное и Великолепное имя покланяемыя Троицы, Отца и Сына и Святаго Духа, и Твое велие к нам милосердие, во веки веков. Аминь.

II

О, Пресвятая Дево, Мати Господа Вышняго, Заступнице и Покровительнице всех, к Тебе прибегающих! Призри с высоты святыя Своея на мя, грешнаго, припадающаго к чудотворному лику Твоему; услыши мою смиренную молитву и принеси ю пред возлюбленнаго Сына Твоего, Господа нашего Иисуса Христа; умоли Его, да просветит мрачную мою душу светом Божественныя благодати Своея, да избавит мя от всякия нужды, скорби и болезни, да ниспослет мне тихое и мирное житие, здравие телесное и душевное, да успокоит страждущее сердце мое и исцелит раны его, да вразумит мя на добрыя дела, очистит ум мой от помышлений суетных, наставит мя ко исполнению заповедей Своих, избавит от вечныя муки и не лишит Своего Небеснаго Царствия. О, Пресвятая Богородице, Ты — «всех скорбящих Радосте», услыши и мя скорбнаго. Ты именуемая — «Утоление печали», утоли и мою печаль. Ты — «Купина неопалимая», сохрани мир и всех нас от вредоносных, огненных стрел врага. Ты — «Взыскание погибших», не попусти и мне погибнуть в бездне грехов моих. Па Тя по Бозе вся моя надежда и упование! Буди мне Покровительницею в жизни временной и вечной и Ходатаицею пред возлюбленным Сыном Твоим, Господом нашим Иисусом Христом. Научи мя служити Ему с верою и любовию и благоговейно чтити Тебе, Пресвятая Мати Божия, Преблагословенная Марие! Твоим святым молитвам вручаю себе до скончания дней моих. Аминь.

III

Царице Небесная, Владычице наша, Госпоже Вселенныя, Пресвятая Богородице, нескверная, неблазная, нетленная, пречистая, чистая Приснодево, Марие Богоневесто, Мати Творца твари, Господа славы и Владыки всяческих!

Тобою Царь царствующих и Господь господствующих прииде и на земли нам явися. Ты убо Божие милосердие воплощенное, Ты Мати Света и Живота сущи, якоже некогда во чреве Твоем носила ecu Его и на объятиих Твоих имела ecu Младенца Слово Предвечное, Бога, тако и всегда Того с Собою имаши.

Сего ради мы по Бозе к Тебе прибегаем, яко к нерушимей стене и предстательству: призри благосердием, всепетая Богородице, на лютое озлобление наше и исцели душ и телес наших болезни; отжени от нас всякаго врага и супостата, избави от глада, мора, от язвы, от вод многих и воздухов тлетворных, и от смерти внезапный; и якоже три отроки в пещи вавилонстсй, сохрани и соблюди нас, да якоже древле людем Божиим, тако будут вся благая нам чтущим Тя; врази же и ecu ненавидящий нас да постыдятся и посрамятся, и уразумеют ecu, яко с Тобою Господь, о Владычице, и Тобою с нами Бог. Во дни осени нас сению благодати Твоея, во тьме же нощней просвети светом свыше, всем полезная устрояющи; преложи горесть нашу во сладость и слезы утри согрешивших и бедствующих раб Твоих, исполняющи коегождо прошения вся во благо; вся бо можеши, елика хощеши Ты, Мати Слова и Живота.

Тебе Отец венча Дщерь, Сын Матерь Деву, Дух Святый Невесту, да царствуеши яко царица, предстоящи одесную Святыя Троицы, и милуеши нас якоже хощеши, ныне и присно и во веки веков. Аминь.




Имя:*
E-Mail:


Основан в 2008 году