Святой источник
    Вход Регистрация

   

» » Страница 55


Преподобному Иоанну Дамаскину

Преподобному Иоанну Дамаскину


    Тропарь, глас 8-й: В тебе, отче, известно спасеся еже по образу: / приим бо Крест последовал еси Христу, / и дея учил еси презирати убо плоть, преходит бо, / прележати же о души, вещи бессмертней. / Темже и со ангелы срадуется, преподобне Иоанне, дух твой.

Великомученику Артемию

Великомученику Артемию


    Тропарь, глас 4-й: Истинною бо Христовою верою утверждься, страстотерпче, мучителя злочестива царя победил еси со идольским того возношением. Тем от Царя Великаго, вечно царствующаго, пресветлым венцем победным одарен бысть, вся исцеляяй болящия и призывающия тя, Артемие великий, моли Христа Бога спасти души наша.

Преподобному Феодору Студиту

Преподобному Феодору Студиту


    Тропарь, глас 8-й: Православия наставниче, благочестия учителю и чистоты, вселенныя светильниче, монашествующих богодухновенное удобрение, Феодоре премудре, ученьми твоими вся просветил еси. Цевнице духовная, моли Христа Бога спастися душам нашим

Священномученику Антипе, епископу Пергамскому

Священномученику Антипе, епископу Пергамскому


    Тропарь, глас 4-й : И нравом причастник, и престолом наместник апостолом быв, деяние обрел еси, богодухновение, в видения восход: сего ради слово истины исправляя, веры ради пострадал еси даже до крове, священномучениче Антипо, моли Христа Бога спастися душам нашим.

Святому мученику Лонгину Сотнику, иже при Кресте Господни

Святому мученику Лонгину Сотнику, иже при Кресте Господни


    Тропарь, глас 4-й: Мученик Твой, Господи, Лонгин, во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости, Того молитвами спаси души наша.



Основан в 2008 году