Святой источник
    Вход Регистрация
Специалист по обусторйству родников, святых источников

   

» » Страница 3


Тропарь преподобному Корнилию Комельскому

Тропарь преподобному Корнилию Комельскому


    От юности горящим желанием Божественныя любве разжигаемь, /житейския молвы оставил еси, преподобне, /ревнитель Антонию Великому быв, /безмолвием и жестоким пребыванием последуя Христу, /бдением, и молитвами, и постом образ был еси твоим учеником. /Темже молися Господеви, Корнилие блаженне, /спастися душам нашим.

Акафист преподобной Марии Египетской

Акафист преподобной Марии Египетской


    Избранной от Господа во образ спасения всем грешным и отчаянным, из глубины греха востекшей на высоту безстрастия, похвальная пения приносим ти, мати преподобная, ты же, яко имея дерзновение к щедрому Богу, молитвами твоими настави на стезю твоего покаяния любовию тебе зовущих:Радуйся, чудо милосердия Божия, Марие равноангельная.

Кондак преподобной Марии Египетской

Кондак преподобной Марии Египетской


    Блудами первее преисполнена всяческими,/ Христова невеста днесь покаянием явися,/ Ангельское жительство подражающи,/ демоны Креста оружием погубляет./ Сего ради Царствия невеста явилася еси,// Марие преславная.

Тропарь преподобной Марии Египетской

Тропарь преподобной Марии Египетской


    В тебе, мати, известно спасеся еже по образу,/ приимши бо крест, последовала еси Христу,/ и деющи учила еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобная Марие, дух Твой.

Молитва преподобной Марии Египетской

Молитва преподобной Марии Египетской


    О великая Христова угоднице, преподобная Марие! На Небеси Престолу Божию предстоящи, на земли же духом любве с нами пребыв ающи, имеющи дерзновение ко Господу, моли, спасти рабы Его, к тебе с любовию притекающии. Испроси нам у Великомилостиваго Владыки и Господа веры непорочное соблюдение, градов и весей наших утверждение, от глада и пагубы избавление, скорбящим - утешение, недугующим - исцеление, падшим - возстание, заблуждщим - укрепление, в делах благих преспеяние и благословение, сиротам и вдовицам -заступление и отшедшим от сего жития - вечное упокоение, всем же нам в день страшнаго Суда одесную страны общники быти и блаженный глас Судии мира услышати: приидите, благословеннии Отца Моего, наследуйте уготованное вам Царствие от сложения мира, и тамо пребывания во веки получити. Аминь.



Основан в 2008 году