Кондак,
глас 8Скоропослушливую помощницу вси, сущии в бедах и болезнех, воспоем Иулианию святую, та бо в мире богоугодно поживе и милостыню к нищим безмерну показа, сего ради обрете благодать чудес Божиим ведением.
Ин тропарь,
глас 3На рамо вземши крест свой,/
последовала еси Христу милостынею, постом и молитвою, /
всехвальная Иулиания милостивая,/
и всем, в мире живущим, правило явилася еси жития,/
темже Вышнее Царствие наследовавши,/
непрестанно моли/
спастися душам нашим.