Глас 4-ый
Днесь радостно ликует Церковь русская, /
яко мати, чада прославляющи, /
новомученики и исповедники своя, /
святители и иереи, /
царственные страстотерпцы, /
благоверныя князи и княгини, /
преподобныя мужи и жены, /
и вся православныя христианы, /
во дни гонения безбожного жизнь свою за веру во Христа положившия, /
и кровьми истину соблюдшия. /
Тех предстательством, /
долготерпеливе Господи, //
страну нашу в Православии сохрани до скончания века.
Ин кондак, новосоставленный, глас 3
Днесь новомученицы Российстии /
в ризах белых предстоят Агнцу Божию /
и со Ангелы песнь победную воспевают Богу: /
благословение, и слава, и премудрость, /
и хвала, и честь, /
и сила, и крепость /
нашему Богу /
во веки веков. Аминь.
Кондак, глас 2
Новии страстотерпцы Российстии, /
исповеднически поприще земное претекшии, /
страданьми дерзновение приимшии, /
молитеся Христу, вас укрепившему, /
да и мы, егда найдет на ны испытания час, /
мужества дар Божий восприимем. /
Образ бо есте лобызающим подвиг ваш, /
яко ни скорбь, ни теснота, ни смерть /
от любве Божия разлучити вас не возмогоша.
Величание
Величаем вас,/
святии новомученицы и исповедницы Российстии,/
и чтим честная страдания ваша,/
яже за Христа/
претерпели есте.
Общецерковное
празднование памяти Собора новомучеников и исповедников Российских совершать 25 января (7 февраля н.ст.), если этот день совпадет с воскресным днем, а если не совпадет — то в ближайшее воскресенье после 25 января (7 февраля н.ст.).