Святой источник
    Вход Регистрация
Специалист по обусторйству родников, святых источников

Молитва Илие Пророку

Автор: Плаксин Олег
Опубликовано: 29-05-2009, 12:06, посмотрело: 5819
Краснодарский край » Апшеронский район » Городок хутор

Молитва Илие Пророку

ТРОПАРЬ
Во плоти Ангел, пророков основание, вторый Предтече пришествия Христова, Илия славный, свыше пославый Елисееви благодать недуги отгоняти и прокаженные очищати, тем же и почитающим его точит исцеления.


КОНДАК
Пророче и провидче великих дел Бога нашего Илие великоимените, вещанием твоим уставивый водоточные облака, моли о нас Единого Человеколюбца.


МОЛИТВА
О прехвальный и пречудный пророче Божий Илия, просиявый на земле равноангельским житием твоим, пламеннейшею ревностью по Господу Бозе Вседержителе. Услыши нас, грешных и непотребных, в час сей предстоящих пред твоею святою иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о грехах наших. И всесильною Своей благодатью да помощет нам оставить пути нечестия, преуспевати же во всяком деле блазе. Да укрепит нас в борьбе со страстьми и похотьми нашими. Да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних.
Упраздни молитвами твоими, пророче Божий, злые обычаи мира паче же погибельный и тлетворный дух века сего, заражающий христианский род неуважением к Божественной Православной вере, к уставам Святой Церкви и заповедям Господним. Непочтением к родителям и властям предержащим и низвергающий людей в бездну нечестия, развращения и погибели. Отврати от нас, пречудный пророче, предстательством твоим праведный гнев Божий. Избави все грады и веси от бездождия и глада, и от страшных бурь. От смертоносных язв и болезней, от нашествия врагов и междоусобной брани. Да тако возвратившеся от стезей нечестия на правый путь добродетели, ходим во свете заповедей Божиих и достигнем обетованных нам причастия вечных благ в Царствии Господа и Спаса нашего. Ему же подобает честь и слава во веки веков. Аминь.






Основан в 2008 году