Святой источник
    Вход Регистрация
Специалист по обустройству родников, святых источников

Тропарь Кондак Величание Богоявлению (Крещению Господню)

Автор: Плаксин Олег
Опубликовано: 26 апреля 2009 г. 23:30, посмотрело: 10053
Всевышний

Тропарь Кондак Величание Богоявлению (Крещению Господню)

Тропарь, глас 4 (Предпразднеству)

Готовися, Завулоне, и красуйся, Неффалиме, Иордане реко, стани, подыми, взыграя, креститися грядуща Владыку. Веселися, Адаме с праматерию, не крыйта себе, якоже в рай прежде, ибо, наги видев вы, явися, да облечет в первую одежду: Христос явися, всю тварь хотя обновити.


Тропарь, глас 4 (Предпразднеству, навечерие)

Возвращашеся иногда Иордан река милотию Елиссеевою, вознесшуся Илии, и разделяхуся воды сюду и сюду и бысть ему сух путь, иже мокрый, во образ воистинну Крещения, имже мы текущее жития преходим шествие: Христос явися во Иордане освятити воды.


Тропарь, глас 1

Во Иордане крещающуся Тебе, Господи, Троическое явися поклонение: Родителев бо глас свидетельствоваше Тебе, возлюбленнаго Тя Сына именуя: и Дух в виде голубине извествоваше словесе утверждение: явлейся, Христе Боже, и мир просвещай, слава Тебе.

Слушать аудио mp3 Тропарь и Кондак Крещению Господню



Кондак, глас 4

Явился еси днесь вселенней, и свет Твой, Господи, знаменася на нас, в разуме поющих Тя: пришел еси и явился еси, Свет неприступный.


Величание

Величаем Тя, Жизнодавче Христе, нас ради ныне плотию крестившагося от Иоанна в водах Иорданских.

Слушать аудио mp3 Величание Крещению Господню






Основан в 2008 году