Регистрация

Молитвы Пресвятой Богородице перед ее иконой «Державная»

Автор: Эric
Опубликовано: 9-10-2008, 18:32, посмотрело: 2821
Божия Матерь

Молитвы Пресвятой Богородице перед ее иконой «Державная»

I

Мира Заступнице, Мати всепетая! Со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе. Умоли, милосердная Мати Света, Сына Твоего и Бога нашего, сладчайшаго Господа Иисуса Христа, да сохранит в мире страну нашу, да утвердит державу нашу в благоденствии и избавит нас от междоусобные брани да укрепит святую церковь нашу православную, и незыблему соблюдет от неверия, раскола и ересей. Не имамы иныя помощи, разве Тебе, Пречистая Дево; Ты ecu всесильная христиан Заступница пред Богом, праведный гнев Его умягчая, избави всех с верою Тебе молящихся, от падений греховных, от навета злых человек, от глада, скорбей и болезней.

Даруй нам дух сокрушения, смирение сердца, чистоту помышлений, исправление греховныя жизни и оставление согрешений наших; да ecu, благодарно воспевающе величие Твое, сподобимся Небесного Царствия, и тамо со всеми святыми прославим Пречестное и Великолепное имя в Троице славимого Бога, Отца и Сына и Святого Духа. Аминь.

II

О, Державная Владычице Пресвятая Богородице, на объятиях Своих держащая Содержащего всю вселенную Царя Небесного!

Благодарим Тя за неизреченное милосердие Твое, яко благоволила ecu явити нам, грешным и недостойным, сию святую и чудотворную икону Твою во дни сия лукавые и лютыя, яко вихрь, яко буря ветренная, нашедшая на страну нашу, во дни уничижения нашего и укорения, во дни разорения и поругания святынь наших от людей безумных, иже не точию в сердце, но и устнами дерзостно глаголют: несть Бог, и в делех сие безбожие показуют.

Благодарим Тя, Заступнице, яко призрела ecu с высоты святыя Своея на скорби наша и горе нас, православных, и яко солнце светлое, увеселявши изнемогшая от печали очеса наша пресладостным зрением Державнаго образа Твоего. О, Преблагословенная Мати Божия, Державная Помощнице, крепкая Заступнице! Благодаряще Тя со страхом, и трепетом, яко раби непотребнии, припадаем Ты со умилением, с сокрушением сердечным и со слезами, и молим Тя и стеняще вопием Та: спаси нас, спаси! Помози нам, помози! Потщися: погибаем! Се живот наш аду приближися: се обышедше обыдоша нас греси мнози, беды мнози, врази мнози. О, Небесная Царице! Скипетром власти Твоея Божесшвенныя разсей, яко прах, яко дым, нечестпивыя козни врагов наших видимых и невидимых, сокруши велеречивыя помышления их и запрети им, и яко Мати всех, на путь правый и богоугодный настави их. Вкорени в сердца всех нас правду, мир и радость о Дусе Святе, водвори в стране нашей тишину, благоденствие, безмятежие, любовь друг ко другу нелицемерную. Державою Твоею всесильною удержи, Пречистая, потоки беззакония, хотящая потопити Землю Русскую в страшней пучине своей. Поддержи нас слабых, малодушных, немощных и унылых, укрепи, возстави и спаси, яко да под Державою Твоею всегда храними, поем и величаем. Пречестное и Великолепое имя Твое, ныне и присно и во веки веков. Аминь.




Имя:*
E-Mail:


Основан в 2008 году